Սեպտեմբերի 17-ին 52 կուսակցապետերի շարքում Սերժ Սարգսյանի հետ խորհրդակցությանը մասնակցած մարքսիստ Դավիթ Հակոբյանը սեպտեմբերի 18-ին դժգոհել է հանդիպման մասնակից բոլոր կուսակցությունների լիդերների քաղաքական կուլտուրայի բացակայությունից: Մարքսիստի բողոքի պատճառն այն է, որ երբ Սերժ Սարգսյանը մտել է խորհրդակցության դահլիճ, նրա մուտքը չի ազդարարվել, իսկ կուսակցապետերն էլ ոտքի չեն կանգնել:
 
«Քաղաքական  ուժերի եւ նրանց լիդերների քաղաքական կուլտուրան այնքան ցածր է, որ արարողակարգը, նախագահին ընդունելու, չգիտես տեղեկացված չեն, թե անպատեհ է կազմակերպված, ոչ պատշաճ: Բայց ընդհանրապես, բոլոր երկրների նախագահները երբ մտնում են դահլիճ, շքախմբից նախագահի որեւէ մեկը պարտավոր է ազդարարելու նախագահի մուտքը՝ կամ ֆանֆառների, շեփորների, կամ օրնհներգի տակ, իսկ բոլորը պարտավոր են կանգնած, հոտընկայս դիմավորել: Անկախ նրանից, թե այդ նախագահի հետ ինչ քաղաքական փոխհարաբերություններ ունես, նա ազգի խորհրդանիշն է: Չկար, ոչ ազդարարվեց շքախմբի կողմից, ոչ էլ ոտքի կանգնեցին: Ես ստիպված իմ ելույթի ժամանակ ցուցադրական ոտքի կանգնեցի եւ ասացի. Հանրապետության նախագահի առաջ պետք է խոսել կանգնած, այնպես, ինչպես հայ ժողովրդի առաջ: Եվ ես իմ ելույթը ցուցադրաբար շարունակեցի հոտընկայս», ասում է մարքսիստ Դավիթ Հակոբյանը:

13:18:21 - 18/09/2009
Ուղարկել էլ.փոստով	Տպագրելու տարբերակը